Lanka Focus News

මාස 08කට පසු ඩොලරයේ අගය වාර්තාගත ලෙස ඉහළට

මාස 08කට පසු ඩොලරයේ අගය වාර්තාගත ලෙස ඉහළට

අමෙරිකානු ඩොලරයට සාපේක්ෂව රුපියලේ අගය අද 190 සීමාව ඉක්මවා ගියා. එලෙස අමෙරිකානු ඩොලරයට සාපේක්ෂව රුපියලේ අගය පහත වැටුණේ ඉකුත් මැයි මාසයෙන් පසු පළමුවරටයි. ඉකුත් මැයි මස 05 වනදා අමෙරිකානු ඩොලරයට සාපේක්ෂව රුපියලේ අගය වාර්තා වුණේ 190.12 ක් ලෙසයි.

ඉන්පසු ඊයේ දිනය දක්වා එම අගය 180 ත් 190 ත් අතර අගයක පැවතුණා. එහෙත්, අද දිනයේ අමෙරිකානු ඩොලරයේ විකුණුම් මිල දැක්වුණේ රුපියල් 194.66 ක් ලෙසයි. එය, ඉකුත් වසරේ අපේ‍්‍රල් මස 21 වනදායින් පසු අමෙරිකානු ඩොලරයේ විකුණුම් මිල සටහන් වූ ඉහළම අගය වනවා.

එමෙන්ම, ඉකුත් 11 වනදායින් පසු අද දක්වා දිගින් දිගටම රුපියලේ අගයට සාපේක්ෂව, අමෙරිකානු ඩොලරයේ අගය ඉහළ ගොස් ඇති ආකාරය ද දැකගත හැකියි.

මිට අමතරව රුපියලට සාපේක්ෂව සෙසු විදෙස් මුදල් ඒකකවල මිල ද, ඉකුත් දින 03 ක කාලය තුළ කැපී පෙනෙන ලෙස ඉහළ ගොස් තිබීම ද විශේෂත්වයක්.

administrator

    Related Articles

    Close
    shares