Lanka Focus News

දෙසැම්බර් වෙද්දි නායකත්වය භාර ගන්න මම ලෑස්තියි -රුවන් විජේවර්ධන

දෙසැම්බර් වෙද්දි නායකත්වය භාර ගන්න මම ලෑස්තියි -රුවන් විජේවර්ධන

දෙසැම්බර් මාසය වන විටත් කෘත්‍යාධිකාරී මණ්ඩලයේ විශ්වාසය තමාට හිමි වුවහොත් එක්සත් ජාතික පක්ෂ නායකත්වය භාර ගැනීමට තමා සුදානම් බව එක්සත් ජාතික පක්ෂයේ නියෝජ්‍ය නායක රුවන් විජේවර්ධන මහතා පවසයි.

ඊයේ (14) කෘත්‍යාධිකාරි මණ්ඩල රැස්වීමේ පැවති රහස් ඡන්දයෙන් පක්ෂයේ නියෝජ්‍ය නායකත්වයට තේරී පත්වු ඒ මහතා අද (15) කොළඹ හුණුපිටිය ගංගාරාම විහාරස්ථානයට ගොස් ආශිර්වාද ලබා ගත්තේය.

ඉන් අනතුරුව මාධ්‍ය වෙත අදහස් දක්වමින් ඒ මහතා මෙම අදහස් පළ කළේ ය.

තමාට පක්ෂය වෙනුවෙන් සිදුකිරීමට විශාල කැපකිරීමක් කළ යුතුව ඇතැයි ද පැවසු ඒ මහතා, රටේ ජනතාවගේ විශ්වාසය නැවත වතාවක් දිනා ගැනීමට සිදුවන බව ද පැවසීය.

පක්ෂයේ ප්‍රතිසංවිධාන කටයුතු ආරම්භ කිරීම තම බලාපොරොත්තුව බව ද පැවසු රුවන් විජේවර්ධන මහතා, පක්ෂයේ සියලු නායකයින් එකතු කර ගනිමින් ඉදිරි ගමන යෑමට බලාපොරොත්තු වන බව ද කියා සිටියේ ය.

සමගි ජන බලවේගයේ සමහර අය මේ වන විටත් සාකච්ඡා කරමින් සිටින බව ද පැවසු ඒ මහතා ඔවුන් ද පක්ෂයට ආදරය කළ අය බැවින් ඔවුන් සමග එක් ව ඉදිරියට යෑමට සුදානම් බව ද වැඩිදුරටත් පැවසීය.

administrator

    Related Articles

    Leave a Reply

    Your email address will not be published. Required fields are marked *

    Close
    shares