Lanka Focus News

ට්‍රම්ප්ගෙන් වෙබ් අඩවියක්

ට්‍රම්ප්ගෙන් වෙබ් අඩවියක්

අකමැත්තෙන් ධුරයෙන් සමුගත් ඇමෙරිකාවේ හිටපු ජනාධිපති ඩොනල්ඩ් ට්‍රම්ප් සහ බිරිඳ මෙලානියා ට්‍රම්ප් එක් වී නව වෙබ් අඩවියක් ආරම්භ කළහ.

මෙම නව වෙබ් අඩවිය නම් කර ඇත්තේ ‘45 වැනි ජනාධිපති’ යන නමින් වන අතර, මෙම වෙබ් අඩවිය හරහා තම පාක්ෂිකයන්ටත් ඇමෙරිකන් ජනතාවටත් සමීප වීම හිටපු ජනාධිපති ඩොනල්ඩ් ට්‍රම්ප්ගේ අරමුණ වී තිබේ.

ට්‍රම්ප් ඔහුට රිසි පරිදි අදහස් දැක්වීමට ද මෙම වෙබ් අඩවිය යොදා ගැනීමට නියමිතය.

ඇමෙරිකන් ජනතාව භීතියට පත් කරමින්, ඇමෙරිකාවේ සුදු අන්තවාදීන් ‘උසි ගන්වනවා’ යැයි චෝදනා එල්ල වී ඇති බැවින්, ට්‍රම්ප්ගේ ‘ෆේස්බුක්’ සහ ‘ට්විටර්’ ගිණුම් අත්හිටුවීමට එම සමාගම් කටයුතු කළේය.

ට්‍රම්ප්ට යළි කිසිම දිනෙක ‘ෆේස්බුක්’ සහ ‘ට්විටර්’ පරිහරණය කිරීමට ඉඩ නොදෙන බව ද ‘ෆේස්බුක්’ සහ ‘ට්විටර්’ සමාගම් පවසා ඇත.

ඊට විසඳුමක් ලෙස තමන් වෙබ් අඩවියක් සහ සමාජ මාධ්‍ය ජාලයක් පිහිටුවන බව ට්‍රම්ප් පවසා ඇත. ඩොනල්ඩ් ට්‍රම්ප් කෝටිපති ව්‍යාපාරියකු වන අතර, 2024 දී යළි ඇමෙරිකන් ජනාධිපති ධුරයට තරග වැදීමට අපේක්ෂා කරයි.

administrator

    Related Articles

    Close
    shares